ANDROCENTRISMO: Define a visión do mundo que sitúa o home como centro de todas as cousas. Esta concepción da realidade parte da idea de que a mirada masculina é a única posible e universal, polo que se xeneraliza a toda a humanidade, sexan homes ou mulleres. Isto leva consigo a invisibilización das mulleres e do seu mundo, a negación dunha mirada feminina e a ocultación das achegas realizadas polas mulleres.
ARQUETIPOS: Os arquetipos son figuras ou modelos orixinais, patróns que serven como exemplos primarios. A súa esencia reside na habilidade de proxectar nel un carácter absoluto e único.
AXÉNERO: Persoa que non se "sente identificada" nin home nin muller.
ASEXUAL: Orientación sexual dunha persoa que non sente atracción erótica cara a outras persoas. Pode relacionarse afectiva e romanticamente. Non implica necesariamente non ter libido, ou non practicar sexo, ou non poder sentir excitación.
ANDROXINIA: Característica dunha persoa cuxa aparencia ou modo de expresión é unha mestura de características e/ou comportamentos femininos e masculinos.
XÉNERO FLUÍDO: Describe a conduta dunha persoa na que presenta unha identidade de xénero coa cal se identifica a si mesmo como masculino e como feminino, alterando ou non a súa percepción de xénero para adaptarse ás circunstancias sociais.
CISXÉNERO: Persoa cuxa identidade de xénero coincide co seu sexo biolóxico.
DIVERSIDADE SEXUAL: Termo que se usa para referirse de maneira inclusiva a toda a diversidade de sexos, orientacións sexuais e identidades de xénero, sen necesidade de especificar cada unha das identidades, comportamentos e características que conforman esta pluralidade.
DRAG KING: Persoa que (a miúdo) é muller e que adopta a figura dun home resaltando de maneira esaxerada os ademáns, as actitudes e o seu comportamento asociados á masculinidade. Son figuras, xunto ás Drags Queens, que están vinculadas co mundo do espectáculo.
DRAG QUEEN: Persoa que (a miúdo) é home e que adopta a figura dunha muller resaltando de maneira esaxerada os ademáns, as actitudes e o seu comportamento asociados á feminidade.
ESTEREOTIPOS DE XÉNERO: Ideas simplificadas, pero fortemente asumidas, sobre as características psicolóxicas e físicas dos homes e das mulleres.
EXPRESIÓN DE XÉNERO: Forma na que expresamos o noso xénero mediante a vestimenta, o comportamento, os intereses e as afinidades.
HETEROSEXUAL: Atracción sexual por persoas do xénero oposto.
HETERONORMATIVIDADE: Ideoloxía dominante na nosa sociedade con base na cal se establecen as relacións heterosexuais como a norma e patrón que se ha seguir.
HOMOSEXUAL: Atracción sexual por persoas do mesmo xénero.
LGTBQI+: É a sigla composta polas iniciais das palabras Lesbianas, Gais, Bisexuais e Trans, Intersexuais, Queer, entre outras.
MASCULINIDADE: Conxunto de características que a sociedade supón que definen a forma en que deben ser os homes.
ORIENTACIÓN SEXUAL: A orientación sexual é a atracción afectiva, romántica, sexual e psicolóxica que unha persoa sente cara outra persoa.
PATRIARCADO: Organización sociocultural na que o dominio do home estrutura a totalidade das relacións sociais. Ideoloxicamente, establece como natural a valoración desigual de homes e mulleres e outorga superioridade aos homes e inferioridade ás mulleres.
ROLES DE XÉNERO: Conxunto de funcións, tarefas, responsabilidades, prerrogativas que se xeran como expectativas / exixencias sociais e subxectivas; é dicir, unha vez asumido o rol por unha persoa, a xente da súa contorna esixe que o cumpra e pon sancións se non se cumpre. A mesma persoa xeralmente asúmeo e ás veces constrúe a súa psicoloxía, afectividade e autoestima en torno a el.
SEXO: Constitúe as características físicas que marcan as diferenzas biolóxicas e funcionais entre machos e femias respecto da reprodución sexual.
SEXUALIDADE: A sexualidade é o conxunto de condicións que caracterizan o sexo de cada persoa. Desde o punto de vista histórico cultural, é o conxunto de fenómenos emocionais, de conduta e de prácticas asociadas á procura de emoción sexual, que marcan de maneira decisiva ao ser humano en todas e cada unha das fases determinantes do seu desenvolvemento.
TRANSFORMISMO: Expresión artística na que unha persoa se expresa, comporta e transforma o seu aspecto adaptándoo ao do sexo contrario. O transformismo usualmente é unha práctica teatral ou lúdica que non implica unha orientación sexual concreta nin identificación co xénero que usa para a súa expresión.
TRANSXÉNERO: Persoa que se identifica con outro xénero distinto ao que lle atribuiría o seu fenotipo sexual.
TRAVESTÍ: Persoa que adopta vestirse con roupa do xénero contrario.
XÉNERO: Fai referencia ás diferenzas sociais, por oposición ás biolóxicas, entre homes e mulleres. Estas diferenzas son aprendidas, mudan co tempo e presentan grandes variacións entre diversas culturas.
XÉNERO NON BINARIO: É un termo que designa as identidades de xénero que non se asimilan nos espectros dos xéneros binarios (masculino e feminino).